جرح ...قلبي

جرح ...قلبي

الا يا جرح قلبي لا تحطمني بدون اسباب--كفاني منك ياجرح الزمان اللي تلقيته

كفاني طعنةً وسط الضمير امسى بها منصاب--اعاني جرحها والهم وسط القلب واريته
تلاحقني وانا ناظرك مثل الخايف المرتاب--وتنظر لي نظر ذاك الفقير اللي فقد قوته
اذا شفتك دعيت الله يغلق دونك الابواب--وترجع منكسر وعليك حزن اللي فقد بيته
خطانا مثقله ساعة تجينا مانحن باحباب--رميت ابسهمك الغدار وسط الروح وارويته
اذا حان المنام ارسلت لي برقية استجواب--عن الحظ وتواريخ الحزن والهرج وسكوته
واذني مابكيت ابكيتني غصبا بذكر احباب--تلاشوا في سراديب الزمان وفي توابيته
عليك الله واكبر لا بديت امكشر الانياب--بيدي خبز يابس وانت من لومك تمنيته
واذا مني نظرتك قلت لي يا سيد الاصحاب--تراك الصاحب اللي دون خلق الله حبيته
تراني منهمر مثل المطر في عالمك منساب--وحاذر من صديق العمر لا منك تجافيته
نفضت يديّ بعد اوصلتني لآ ساحل الاتعاب--وشبيت الجحيم ابخاطري والزيت صبيته
وجندلت الاماني داخلي يا سيد الارهاب--وقطّعت الحبال وصبر ابو ديموم شقيته

ولكني بعد ضاقت جعلت امن الدعا مرقاب--صعدت عليه اناجي خالقي والياس خليته
لقيت ان الدعا حصنا حصين وسيد الاسباب--يبدد من فوادي كل جرحاً منك لاقيته
الا يا الله يا ربي دعيتك تفتح الابواب--ليدخل عالقلوب اللي من افضالك تعاطيته

وتحبس يا الله الهم اللعين بقاعة السرداب--وتكتب للقلوب المثخنه طباً تداويته

مشكووووووووووووور
ويعطيك الف عافيه