مُغآمره فِي يوم إمتحآنآت نهآئيه !

آرهبوآ مرآهيب كُبر ترآهِيب الشعب فِي ملكهم -> آرهبي آنتي غآديتن تسنتس هنديه متسعوده ( آتحدآكم إذآ آحد فهم وش آنآ آخربط )
معليش آلتمس العذر منكم ي جمآعه .. الإمتحآنآت مفعولهآ للحين عآمل عمآيله وربكم يعين
آييييه وتسيف حآلكم ؟ وأخبآركم ؟ وعآملين إيه ؟ وش مسوين ؟
-> يآختي آسكتي كلّن منشّب خشته بدروسه إلآ آنتي

بِمآ إنه جَو آمتحآنآت وغثآ خلقه .. آنآ جيت بضيّق خلقكم زيآده -> الله آبوتس آنتي وش جآبتس هنيآ
طبعآ ب الحَيآة فِيه شي يسمى قسمه ونصيب وكل وآحد ووحده يآخذون اللي يستآهلهم -> طيب وش دخل بالإمتحآنآت
آنآ إذآ قلت لكم الإمتحآنآت عآمله عمآيلهآ المره الثآنيه صدقوآ !
همآه جَونآ كئيب وكذآ رجعت بي الذكرى قبل سنه ليوم كآن عندي آصعب آمتحآن بالدنيآ ألآ وهوَ " الكيميآء " ونهآئي بعد
كآنت آمي مع خآلأتي مسآفرين وآنآ مجدوعتن عند خآلتي الحآمل وأول حمل لهآ ..
وبطبيعة الحآل كنت آذآكر بذمه وضمير شوي وأصيح .. ولآ وشوو شوي صصصصحت من صعوبته الله مير يذكر لولوة اللي مدري وش يقآلهآ بالخير
ولآ ححححححرف تحذفه ! كل الكتآب معنآ .. يعني الحمدالله إن [ الفهرس ] موب مقرر معنآ لآنه يمكن يجينآ آنهيآر عصبي
=> آذكر طآلبه سألتهآ : آستآذه وش رآيتس بالفهرس ؟؟ معنآ بعد ؟؟ قآلت آستآذه لولوه : آيه معكم زيآدة معلومآت ( الله مير يآجرنآ بس )
المهم نرجع لبيت خآلتي اللي زوجهآ مسآفر لأمريكآ جعل هالأمريكآن العبنّد يضحّون بوه .. موب آمين
وآنآ قآعده بالأرض وحآطه الكتآب قدّآمي وآردد على روحي التعريفآت وتسذآ .. شوي وتقوم خآلتي مدري وين بتروح
ومير ينكب مآآآآآآآآآآآآآآء ... قلت وانا بآقي منزله رآسي : هيييييييييه المغآسل هنآك آنتي وكرشتس
قآلت : آآآآآآآآ وشسمه أقول جنى / .. قلت : نعم !! / قآلت : مآودّتس تبعدين شوي / قلت : آبد ولآ عندي نيه
يووووووووووووم رفعت رآسي لقيت هالمويآت سببهآ إن الحرمه تبي تولد وتطططططير عيوني وأقول لخآلتي وش ذآ
تقول : ضفي وجهتس جيبي التليفون .. تبين كف عشآن تستوعبين !
وآرررررررررررررررررررركض آجيب التليفون وآنآ آنتفض لدرجة إن معدتي بدت تنتفض معي .. قآطّه ->
ونتصل على خآلي ومآيرد .. لأنه الوحيد اللي معنآ ب الديره وحرقنآ التليفون بس مآبوه فآيده عآد طلعت أم العبيد آنآ
قلت مشينآ مع الإسعآف بس .. والله وآتصل على الإسعآف ويجون يشيلون خآلتي وطيرآن للمستشفى .. وصلنآ
ويآخذون خآلتي بسرعه بسرعه لغرفه .. موب حقّت الولآده لأنهم الظآهر مآعندهم نيه يولّدونهآ مع آنه بطنهآ شبرين مششآء الله
وقعدت معهآ ويآنهآر آسود ويآليل آبيض -> مسويه عكس ( طيب يالبزر طيب )
وخآلتي تونّ وانا مدري وش آسوي بهآ .. آحآول آنسّيهآ وآقولهآ : خآله ي سلآم بآتسر آختبآري وجيت معتس مآذآكرت ولآش
قآلت : خلآص بولد مآعآد آقدر / قلت : وآحد مآسكك ..؟
قآلت خآلتي : آنشهد آنه بيجيتس يوم وبقعد آسوي فيتس مثل مآتسوين فيني .. قلت : لآآآآحقين إن شآء الله بس يلآ أولدي -> شوفوآ آخر كلمه بس
قآلت : جنآآآآآآآآآآآآآآآآآآآ طسي نآدي الدكتوووووووره .. قلت : يقولون آنهآ مآجت يصير أولدّتس آنآ ؟
قآلت وهي ترفع آيدينهآ متضرّعه إلى الله : إلــــــــــــــهي ورّني فيهــآإ يُــــــوم
قلت آنآ : آنتي آسكتي ترآتس حُول أمومه .. ودعوة الأم مستجآبه -> ي شين اللي تروّع
وآبلش فيهآ وبدت تصآرخ وكل من مَر قعد يتمنظر ويتسمّع للألحآن الروعه والريمكسآت الهآيله , آنآ هنآ من جد توتّرت -> بدري
قلت مآفيه غيرهآ .. يآبنت النآس عطين جوآلتس , وآخذ جوآل خآلتي وآحرق الجوآل على زوجهآ .. ويرد : آحححلى صبآح لأحححلى ورده
قلت آنآ : هيييه آنت يآبو ترآ عندنآ الليل موب صبآح -> وآحلى ورده هذي جآب العيد وقسم
قآل : بسم الله الرحمن الرحيم .. سكّنهم مسآكنهم يآرب من معي ؟
قلت : آنآ بنت آخت حرمتك .. قآل : آيه عرفتس -> دآمك عرفتني وشهوله تسأل ؟ زيآدة معلومآت مثلآ هههههههه .
قلت : تعآل للسعوديه .. / قآل : وشهوو !! ../ قلت : كَمْ تُو سآؤُودِيْ إرِيَبيَآ الظَآهر مآتفهم عَرِبيْ إنت
قآل : وش تبين آنتي ؟؟ وبعدين تعآلي وين خآلتس تخلخلت عظآمتس ؟
قلت : آحلى ورده عندي تونّ وتطنّ قسمبلآه لجّة آمي وعندي إختبآر -> كيف بس خربت السآلفه
وقلت له آنهآ تولد وبغى يجيب العيد بالتليفون هو ويّآهآ .. وآتصآلآت تجي من كُل الطرَفين وشوي جَت الدكتوره حقت خآلتي
وأروح آحشرهآ بزآويه وآهوشهآ وآقولهآ بدري كآن طوّلتي بعد لمين تموت خآلتي بسملآه عليهآ
وهي تروح يمين وأروح معهآ تروح يسآر وآروح معهآ , يعني بتروح تولّد خآلتي اللي رآحت في خبر كآنَ بس محجّره لهآ آنآ
وأخيرآآآآآآآآآآآ ولّدوهآ .. ومآذآكرت كيميآء ! ورحت آختبر وآنآ آفكر شلون خآلتي جآبت بنت وحنّآ نبي ولد -> قسمبلآه أم الفهآوه !

وبس هذآ اللي صآر بذآكـ اليوم اللي جِعله مآينعآد علي ي ر ب
صرآحه قعدت آضحك على شكلي وآنآ آصبّر خآلتي للمعلوميه كنت آحتآج آحد يصبرني لأنه بأي لحظه كنت بنهآر
بس الحححمدالله تمّت على خير , وجآء رجل خآلتي وتشكّر مني وآنآ مسويه يعنّني عندهم ولآ لو بيدي كآن ذبحته هو وبنته وخآلتي بعد

يالله بالتوفيق للكل في الإمتحآنآت ,
دعوآتكم

يسلموا ويعطيك الف عافيه
وسلمت اناملك
تحياتي
I.A

السلام عليكم
يسلمو على موضوعك
الرائع والجميل والقيم
تحياتي لكم

الامـــــوره مـــــرح

يسلمو علي المرور الطيب
ما تحرمنوا من ردوكم الطيبة
تحياتي للجميع